वन्यजन्तु संरक्षणमा अरेट इन्टरनेसनलको नयाँ सुरुवात

काठडमाडौं । नेपालका लागि टेस्ला कारको आधिकारिक वितरक अरेट इन्टरनेसनल प्रालिले आफ्नो संस्थागत सामाजिक उत्तरदायित्वका गतिविधिलाई वन्यजन्तु संरक्षणतर्फ केन्द्रित गरेको छ ।

संयुक्त राष्ट्र संघको दीर्घकालीन विकास लक्ष्य (एसडीजी) १५ सँग सहकार्य गर्दै चितवन राष्ट्रिय निकुञ्जका लोपोन्मुख प्रजातिका वन्यजन्तु र तिनका वासस्थान संरक्षणका लागि अरेट इन्टरनेसनलले आफ्ना ग्राहकलाई सहयोग गर्न आग्रह गरेको छ ।

अरेटले फुड फर लाइफ र होस्ट हैंसेसँगको साझेदारीमा त्यस क्षेत्रका बासिन्दाका लागि खाना तथा शिक्षामा सहयोग गर्दै आएको छ । अब अरेटले ग्राहकलाई शिक्षा, पोषण वा वन्यजन्तु संरक्षणमा योगदान गर्न छनोट सुविधा दिएको छ ।

यो सुरुवातले चितवन राष्ट्रिय निकुञ्जमा रहेका पाटे बाघ, एक सिंगे गैंडा, हात्ती लगायत वन्यजन्तु संरक्षणमा उल्लेख्य सहयोग पुग्ने तथा जसले मानव र वन्यजन्तु शान्तिपूर्वक सहअस्तित्वमा बाँच्न पाउने अरेट इन्टरनेसनलले जनाएको छ ।

‘हाम्रो यो सुरुवातले वन्यजन्तु संरक्षणसँगै सबैका लागि एउटा दिगो भविष्य सुरक्षित गर्ने विश्वास छ,’ अरेटका क्रिएटिभ एडभाइजर रोहण अडुकियाले भने, ‘हाम्रा ग्राहकले वन्यजन्तु, मानव र पृथ्वी सबैमा सार्थक प्रभाव पार्न सक्छन् ।’

– यस समाचारको श्रोत : Online Khabar हो ।