रुसको स्याटेलाइट अन्तरीक्षमा विस्फोट, चीनले कवच लगायो स्पेस स्टेशनमा

एउटा रुसी स्याटेलाइट गतहप्ता अन्तरीक्षमा विस्फोट भयो । उक्त स्याटेलाइट विस्फोटमा १ सय भन्दा धेरै टुक्राहरु यत्रतत्र छरिए।

ती टुक्राहरु तिव्र गतिमा चीनको स्पेस स्टेशनतर्फ आइरहेका थिए। जसका कारण चीनले साडे ६घण्टा लगाएर आफ्नो स्पेस स्टेशनको चारैतर्फ कवच लगाइदिएको छ ताकि स्याटेलाइटका टुक्राहरुले कुनै क्षति नपुराओस् ।

अन्तरीक्ष विज्ञानमा यो पहिलोपटक भएको हो, जब स्पेस स्टेशनको बाहिर हिस्सामा यस्तो खालको कवच लगाइयो ।

चीनको सेन्झोउ १८ मिसनका दुईजना अन्तरीक्षयात्रीहरुले स्पेस स्टेशनमा कवच लगाउने काम गरेका हुन् । यसक्रममा अन्तरीक्षयात्रीहरुले ६ घण्टासम्म स्पेस स्टेशनको चारैतर्फ स्पेसवाक गरेका थिए।

चाइना एरोस्पेस साइन्स एण्ड टेक्नोालेजी कर्पोरेसनका वैज्ञानिक लियु मिंग भन्छन्- स्पेस वाकको पहिलो काम नै यहीँ थियो कि हामीले स्पेस स्टेशनको चारैतर्फ सुरक्षा उपकरण लगाउन सकौँ ताकि केवल तथा पाइपलाइनहरु सुरक्षित होउन्।

अमेरिकी स्पेस कमान्डका अनुसार जुन २६ का दिन रुसको पूरानो तथा बिग्रिएर काम नलाग्ने भएको अर्थ अब्जरभेसन स्याटेलाइट च्भकगचक(एज्ञ कक्षमै विस्फोट भएको थियो । विस्फोटबाट सिर्जित टुक्राहरु ट्रयाक गर्न सकिन्छ। उक्त घटनाको विषयमा नासालाई तुरुन्तै जानकारी गराइएको थियो । हाल इन्टरनेसनल स्पेस स्टेशनमा ६ जना अमेरिकी अन्तरीक्षयात्रीहरु रहेका छन्।

त्यसपछि नासाले Safe Heaven प्रक्रिया सुरु गर्‍यो ताकि स्पेस स्टेशनलाई चारैतर्फबाट आएका टुक्राहरुबाट बँचाउन सकियोस् ।

ऋमेरिकाले उक्त खतराको बारेमा चीनलाई बताए नबताएको बारेमा भने प्रष्ट भएको छैन । तथापि चीनले पनि रुसी स्याटेलाइट विस्फोट भएर स्पेस स्टेशनमा खतरा उत्पनन भएको खबर थाहा पायो । त्यसले तत्कालै आफ्नो स्पेस स्टेशनबाट रोबोटिक हातको माध्यमबाट अन्तरीक्षयात्री ये गुआंफूलाई कवच लगाउन बाहिर पठाइयो ।

त्यसपछि उक्त स्पेस स्टेशनको बाहिर हिस्सामा कवच लगाइयो । उनको सहयोगका लागि अर्का अन्तरीक्षयात्री ली गुआंगसूले रोबोटिक हात तथा तियान्हे कोर मोड्युलको निगरानी गरिरहे । कवच लगाएपछि रोबोटिक हातको मद्धतले स्पेस स्टेशनको जाँच गरियो । उक्त काम सम्पन्न गर्नका लागि दुईजना अन्तरीक्षयात्रीलाई पूरै साडे ६ घण्टा लागेको थियो । एजेन्सी

– यस समाचारको श्रोत : Online Khabar हो ।