इनिफिनिटी लघुवित्तको नाफा ६३ प्रतिशत घट्यो

१९ माघ, काठमाडौं । इनिफिनिटी लघुवित्त वित्तीय संस्थाको खुद नाफा ६३ प्रतिशत घटेको छ । लघुवित्तले सार्वजनिक गरेको दोस्रो त्रैमासिक वित्तीय विवरणअनुसार यस अवधिमा कम्पनीको खुद नाफा १ करोड ४९ लाख रुपैयाँ छ । गत वर्षको दोस्रो त्रैमासिक अवधिमा कम्पनीको यस्तो नाफा ४ करोड १० लाख रुपैयाँ थियो ।

कम्पनीको ब्याज आम्दानी नै घटेपछि नाफा प्रभावित बनेको छ । गत आर्थिक वर्षको दोस्रो त्रैमासमा ब्याज आम्दानी ३८ करोड ६३ लाख रुपैयाँ रहेकोमा अहिले ३२ करोड २९ लाख रुपैयाँमा खुम्चिएको छ । कम्पनीको फी तथा कमिसन आम्दानी पनि घटेको छ ।

कम्पनीले दोस्रो त्रैमास अवधिसम्म ७१ लाख ५७ हजार रुपैयाँ लोनलस प्रोभिजन गरेको छ । गत वर्षको यसै अवधिमा यस्तो रकम २ करोड ४१ लाख रुपैयाँ थियो । कम्पनीले गरेको लोन लस प्रोभिजन कुल निष्क्रिय कर्जामा जम्मा ४७ प्रतिशत हो । कुल कर्जामा निष्क्रिय कर्जा ४.९५ प्रतिशत छ । गत वर्ष पनि कम्पनीको निष्क्रिय कर्जा ४.९५ प्रतिशत नै थियो । कम्पनीले कुल ४ अर्ब ८४ करोड रुपैयाँ कर्जा प्रवाह गरेको छ ।

वार्षिक प्रतिसेयर आम्दानी ६ रुपैयाँ छ भने प्रतिसेयर नेटवर्थ १३६ रुपैयाँ ९९ पैसा छ । बिहीबार बजार बन्द हुँदा कम्पनीको मूल्य प्रतिकित्ता ७११ रुपैयाँ छ ।

– यस समाचारको श्रोत : Online Khabar हो ।