Main
नक्कली फेसबुक आईडी बनाएर बिहेको प्रलोभन देखाउँदै ठगी, एक युवक पक्राउ
२ मंसिर, काठमाडौं। नक्कली फेसबुक आईडी बनाएर बिहेको प्रलोभन देखाउँदै ठगी गरेको आरोपमा एक युवक पक्राउ परेका छन् ।
पक्राउ पर्नेमा तनहुँको आँबुखैरेनी गाउँपालिका–५ घर भइ काठमाडौं चन्द्रागिरी बस्दै आएका रुद्रबहादुर तामाङ छन् ।
उनलाई काठमाडौं उपत्यका अपराध अनुसन्धान कार्यालयको टोलीले चन्द्रागिरीको हाईभिजन कोलोनीबाट पक्राउ गरेको हो ।
उनले फेसबुकमा केटी साथी बनाउँदै आफू सिंगापुरे लाहुरे भएको परिचय दिन्थे ।
आफूसँग बिहे गरे सिंगापुर लैजाने भन्दै उनले प्रलोभन समेत देखाउँथे। केटीहरुलाई विश्वासमा दिलाउनका लागि कागजातहरु समेत पठाउने गरेको खुलेको छ ।
त्यसपछि कागजात बनाउनुपर्छ भन्दै चेक तथा नगद गरेर पटक पटक २७ लाख ८३ हजार २ सय रुपैयाँ ठगी गरेको खुलेको छ । उनीबाट अन्य कोही पीडित भए सम्पर्क गर्न पनि प्रहरीले अनुरोध गरेको छ।
– यस समाचारको श्रोत : Online Khabar हो ।