सी डिभिजन लिगमा सानेपाको दोस्रो जित

११ वैशाख, काठमाडौं । पेम्बा दोर्जे लामाको दुई गोल प्रेरित सानेपा क्लबले सहीद स्मारक सी डिभिजन लिगमा म्गलबार झम्सिखेल युथ क्लबलाई ४-१ ले पराजित गरेको छ ।

जारी लिगमा सानेपाको यो दोस्रो जित हो र सानेपाले बागमती युथ क्लब समान चार खेलबाट ७ अंक जोडेको छ ।

सातदोबाटोस्थित एन्फा कम्प्लेक्स मैदानमा भएको खेलमा सानेपाका लागि पेम्बाले २१औं र ५८औं मिनेटमा गोल गरे । उनले दुवै गोल पेनाल्टीमा गरेका थिए । यस्तै समभ्रान्त सिंह डंगोलले खेलको इन्जुरी टाइममा गोल गरेका थिए ।

झम्सिखेलका साउजन राईले एक आत्मघाती गोल उपहार दिएका थिए । सन्देश श्रेष्ठले ७८औं मिनेटमा झम्सिखेलका लागि सान्त्वना गोल गरे ।

झम्सिखेलको यो तेस्रो हार हो । चार खेल खेल्दा १ खेल मात्र जितेको झम्सिखेल ३ अंकसहित आठौं स्थानमै छ ।

– यस समाचारको श्रोत : Online Khabar हो ।