कसैलाई बाँकी छाडिदैन: बालेन
काठमाडौँ। काठमाडौँ महानगरपालिकाका मेयर बालेन्द्र साह (बालेन)ले सिंहदरबारलगायत सबै पार्टी कार्यालय र नेताहरुको घरको फोहोर नउठाउने चेतावनी दिएका छन्।
मंगलबार सामाजिक सञ्जालमार्फत चेतावनी दिँदै उनले भनेका भनेका छन्, ‘को को जुध्न आउने हो , आए हुन्छ , कसैलाई बाकिँ छोडिदैन।’
प्रहरीले नयाँ बानेश्वरबाट महानगरकाे फोहोर बोक्ने ४ जना चालकलाई प्रहरीले समाएको भन्दै उनी आक्रोशित भएका हुन्।
‘भ्रष्टलाई समाउन सक्नु भएन, काठमाडौँमा फोहोर बोक्ने चार चालकलाई समाउनु भएछ यो सरकारले’, उनले लेखेका छन्।
उनले अगाडि लेखेका छन्, ‘जबसम्म ससम्मान चालकहरु रिहा हुन्नन् सिंहदरबार लगायत सबै पार्टी कार्यालयको र नेताहरुको घरको फोहोर उठ्दैन।’
सोमबार साँझ करिब ५ बजेतिर नयाँ बानेश्वरबाट ४ जना फोहोर गाडी चालकलाई टेकु प्रहरीले पक्राउ गरेको काठमाडौँ महानगरका प्रवक्ता नवीन मानन्धरले जानकारी दिए।
‘हाम्रो फोहोरको गाडी नयाँ बानेश्वरमा रोकिराखेको समयमा चार जनलाई प्रहरीले पक्राउ गरेर टेकुमा लागेको छ।’ उनले भने।
घटनाकाबारेमा थप बुझिरहेको उनले जानकारी दिए।
– यस समाचारको श्रोत : देश – PrawasKhabar हो ।