Main
आभन र सृष्टिकालाई स्क्वासको उपाधि
२ असार, काठमाडौं । ओलम्पिक डे २०२४ को अवसरमा स्क्वास र्याकेट संघ कास्कीको आयोजनामा भएको खुल्ला स्क्वास प्रतियोगितामा आभन श्रेष्ठ र सृष्टिका उदास विजेता बनेका छन् ।
दुई दिने प्रतियोगितामा पुरुष खुल्लातर्फको फाइनलमा आभनले नवराज श्रेष्ठलाई ३–२ को सेटमा हराए । यसैगरी खुल्ला महिलातर्फ च्याम्पियन बन्न सृष्टिकाले फाइनलमा समीक्षा ठकुरीलाई ३–२ को सेटमै पराजित गरिन् ।
सो प्रतियोगितामा पुरुषतर्फ ३१ र महिलातर्फ सात जना खेलाडीले सहभागिता जनाएका थिए ।
प्रतियोतिगाको फाइनलमा नेपाल ओलम्पिक कमिटीका उपाध्यक्ष तेजबहादुर गुरुङले विजयी खेलाडीलाई पुरस्कार प्रदान गरे ।
स्क्वास र्याकेट संघ कास्कीका अध्यक्ष प्रवीण पालिखेले सन् २०२८ मा लस एन्जलसमा हुने ओलम्पिकमा स्क्वास खेललाई समावेश गरिएको जानकारी गराए ।
– यस समाचारको श्रोत : Online Khabar हो ।