अझै डाक्टर बन्न सक्नेछैन च्याट जिपिटी, लक्षण पहिचानमा कमजोर

आर्टिफिसियल इन्टेलिजेन्स च्याटबट प्लाटफर्म च्याट जिपिटी संसारभर लोकप्रिय छ, किनकि यसले आम मानिसका लागि विभिन्न कामहरु गर्न सहयोग गर्दछ, जस्तै एप्लिकेसन तयार पार्न र स्कुलको होमवर्क गर्न ।

तर के च्याट जिपिटी डाक्टर पनि बन्न सक्छ त ? यस विषयमा PLOS ONE ले हालै एक शोध रिपोर्ट प्रकाशित गरेको छ।

अध्ययनमा एकजना डाक्टरको रुपमा च्याट जिपिटी कत्तिको सटीक तथा प्रभावकारी छ भन्ने बताइएको छ ।

रिपोर्ट अनुसार एक भाषा मोडेलका रुपमा त च्याट जिपिटी चर्चित छ तर चिकित्सा सम्बन्धी प्रश्नहरुको जवाफका लागि यसलाई निकै सकस पर्दो रहेछ ।

च्याट जिपिटीमाथि गरिएको यस अध्ययनको उद्देश्य ओपन एआईको यो प्लाटफर्मको क्षमता जाँच गर्नु हो ।

यो अध्ययनमा शोधकर्ताहरुले कुनै जटिल चिकित्सकीय परिस्थितिहरुमा च्याट जिपिटीले कस्तो काम गर्न सक्छ भन्ने कुराको विश्लेषण गरियो ।

शोधकर्ताहरुले यसका लागि Medscape Clinical Challange को प्रयोग गरे, जसले बिरामीको अवस्थाको वस्तुस्थिति पेश गर्यो ।

त्यस क्रममा स्वास्थ्यसम्बन्धी अनेक खालका समस्याहरु देखाइयो । शोधकर्ताहरु यस्तोमा च्याट जिपिटीले रोगको सजिलैसँग पहिचान गर्न तथा उपचारको सही सल्ला दिन सक्छ वा सक्दैन भन्ने कुरा जान्न चाहेका थिए ।

शोधकर्ताहरुले च्याट जिपिटीमाथि डेढ सय चिकित्सा चुनौतीहरूका आधारमा परीक्षण गरे ।

हरेक केसमा बिरामीको इतिहास, उपचार तथा परीक्षणको जानकारी थियो र शोधकर्ताहरुले च्याट जिपिटीबाट प्राप्त नतिजाको तुलना आफुहरुको उक्त चिकित्सा रिपोर्टसँग गरे ।

त्यस क्रममा च्याट जिपिटील केवल ४९ प्रतिशत समस्याहरुको हकमा मात्रै सही जवाफ दिएको पाइयो । जब ती जवाफको तुलना मेडस्केप मार्फत् गरियो, तब च्याट जिपिटीले करीब ६१ प्रतिशत जवाफ समयमै दियो ।

समग्रमा च्याट जिपिटीले करिब ७४ प्रतिशत सटिकता हासिल गरेको र ४९ प्रतिशत प्रष्ट जवाफ दिएको पाइएको छ ।

यसले गलत जवाफलाई त छुट्यायो, तर उपचारका क्रममा च्याट जिपिटीमाथि विश्वास भने कमै गर्न सकिने निष्कर्ष शोधकर्ताहरुले निकालेका छन् ।

– यस समाचारको श्रोत : Online Khabar हो ।