क्रिस्टल फयालेसलाई ५ गोल हान्दै आर्सनल तेस्रो स्थानमा
७ माघ, काठमाडौं । आर्सनलले प्रिमियर लिगमा क्रिस्टल प्यालेसलाई ५-० ले पराजित गरेको छ ।
घरेलु मैदान एमिरेट्स स्टेडियमा प्राप्त सानदार जितपछि आर्सनल तेस्रो स्थानमा उक्लेको छ र उपाधि आशा जिवितै राखेको छ ।
आर्सनलका लागि गाब्रीएल मार्टिनेलीले इन्जुरी टाइमको चौथो र पाँचौ मिनेटमा दुई गोल गरे ।
यस्तै गाब्रीएल मागालहाएसले ११औं र लिएन्ड्रो ट्रोसार्डले ५९औं मिनेटमा गोल गरे ।
प्यालेसका डिन हेन्डरसनले एक आत्मघाती गोल उपहार दिएका थिए ।
जितपछि २१ खेलबाट ४३ अंक जोड्दै आर्सनल तेस्रो स्थानमा उक्लेको छ । म्यानचेष्टर सिटीसँग समान अंक भए पनि आर्सनल गोल अन्तरमा पछि छ ।
२१ खेलबाट २१ अंकरहेको प्यालेस १५औं स्थानमा छ ।
लिगकै अर्को खेलमा ब्रेन्टफोर्डले नटिङहम फरेस्टलाई ३-२ ले पराजित गरेको छ। जितपछि ब्रेन्टफोर्ड २० खेलबाट २२ अंक जोडेर १४औं स्थानमा उक्लेको छ ।
२१ खेल खेलिसकेको नटिङहम फरेस्ट २० अंकसहित १६औं स्थानमा छ ।
– यस समाचारको श्रोत : Online Khabar हो ।