मिस अर्थको प्रतिस्पर्धा सुरु, फिलिपिनो पहिरनमा यस्ती देखिइन् सुमना
काठमाडौं । वातावरण सुन्दरी प्रतियोगिता मिस अर्थ फिलिपिन्समा सुरु भएको छ । मिस नेपाल अर्थ सुमना केसीले प्रतिष्ठित सौन्दर्य प्रतियोगिताको यो २४ औं संस्करणमा मुलुकको प्रतिनिधित्व गरिरहेकी छन् ।
बुधबार बेलुका ७६ जना डेलिगेट सुन्दरीले परिचय दिंदै फिलिपिनो पहिरनमा सौन्दर्यको जादू छरे । फिलिपिन्सको संस्कृति, शैली र वैभव झल्काउने पहिरनमा उनीहरुले आफूलाई प्रस्तुत गरे ।
मिस नेपाल अर्थ सुमनाले पनि फिलिपिनो पहिरनमा आफूलाई सजाइन् । ‘फिलिपिनो पहिरनमा आफूलाई सजाउन पाउँदा गौरव महसुस गर्छु’ उनले इन्स्टाग्राममा लेखेकी छिन्, ‘फिलिपिन्सको आदिवासी शैलीमा डिजाइन गरिएको पहिरन के राम्रो छैन ?’
यसपटकको प्रतियोगितामा सम्पदालाई केन्द्रमा राखिएको छ । हेरिटेज संरक्षणको उद्देश्य सुन्दरीले सो सम्बन्धी थिममा रहेर प्रोजेक्ट तय गरेका छन् । सुमनाले चितवनको सम्पदा संरक्षण र वातावरणीय परिवर्तनको प्रोजेक्ट प्रस्तुत गर्दैछिन् ।
मिस अर्थको ग्राण्ड फिनाले नोभेम्बर ९ मा ओकादा मनिलामा हुँदैछ । मिस इन्टरनेसनलका लागि करुणा रावत भने शुक्रबार जापानतर्फ प्रस्थान गर्ने कार्यक्रम छ ।
– यस समाचारको श्रोत : Online Khabar हो ।