जुनियर यु–१४ एसियाली टेनिस प्रतियोगितामा अभि विजेता
७ मंसिर, काठमाडौं । भारतका अभि अग्रवाल इमर्जिङ एथलिट्स जुनियर यु–१४ एसियाली टेनिस प्रतियोगिताअन्तर्गत– सर्किट वानको ब्वाइज सिंगल्समा पहिलो भएका छन् ।
सातदोबाटोस्थित टेनिस कम्प्लेक्समा भएको फाइनलमा अभिले भारतकै तनिस नन्दालाई ७–५ र ६–२ को सोझो सेटमा पराजित गरे । यसअघि ब्वाइज डबल्समा अभि र तनिसको जोडी पहिलो भएका थिए ।
नेपाल टेनिस संघ र इमर्जिङ एटलिट्सद्वारा संयुक्त आयोजित प्रतियोगिताको गर्ल्स सिगल्समा नेपालकी शिभाली गुरुङ पहिलो भएकी थिइन् । गल्र्स डबल्समा पनि शिभालीले माल्दिभ्सकी अइसथ करिन सइजनसँग मिलेर स्वर्ण जितेकी थिइन् ।
विजेतालाई नेपाल टेनिस संघका महासचिव मनोहरदास मुलले एक कार्यक्रमबीच पुरस्कृत गरे । प्रतियोगितामा ब्वाइज/गर्ल्स सिंगल्स र डबल्स गरी चारवटा स्पर्धामा प्रतिस्पर्धा भएको इमर्जिङ एथलिट्सका जयजीव हाडाले जनाएका छन् ।
प्रतियोगिताअन्तर्गत सर्किट– २ का खेलहरु सोमबारदेखि सुरु हुनेछ ।
– यस समाचारको श्रोत : Online Khabar हो ।