अन्तिम समयमा गोल गर्दै लिभरपुल विजयी
२० फागुन, काठमाडौं । डार्विन नुनेजले बेन्चबाट आएर अन्तिम समयमा गोल गरेपछि लिभरपुलले प्रिमियर लिगमा नटिङहम फरेस्टलाई १-० ले पराजित गरेको छ ।
नुनेजले दोस्रो हाफको इन्ज्युरी टाइमको नवौं मिनेटमा हेड मार्फत गोल गरेपछि लिभरपुलले ३ अंक जोड्न सफल भएको हो । नुनेज ६०औं मिनेटमा एन्ड रोबर्टसनको स्थानमा मैदान प्रवेश गरेका थिए ।
यो जितपछि शीर्ष स्थानको लिभरपुलले ४ अंकको अग्रता पनि लिएको छ । लिभरपुलको २७ खेलबाट ६३ अंक भएको छ ।
एक खेल कम खेलेको म्यानचेष्टर सिटीको ५९ अंक छ ।
यस्तै चौथो स्थानमा रहेको एस्टन भिल्लाले लुटन टाउनलाई ३-२ ले हरायो । जितपछि भिल्लाको २७ खेलबाट ५५ अंक पुगेको छ ।
यस्तै अन्य खेलमा टोटनहमले क्रिस्टल प्यालेसलाई ३-१ ले हराउँदा वेस्टहमले एभरटनलाई ३-१, फुलहमले ब्राइटनलाई ३-० र न्युकासल युनाइटेडले उल्भ्सलाई ३-० लाई हरायो । ब्रेन्टफोर्ड र चेल्सीले २-२ को बराबरी खेले ।
– यस समाचारको श्रोत : Online Khabar हो ।