प्रभु महालक्ष्मी लाइफले घोषणा गर्यो बोनस सेयर
९ भदौ, काठमाडौं । प्रभु महालक्ष्मी लाइफ इन्स्योरेन्सले सेयरधनीलाई बोनस सेयर घोषणा गरेको छ ।
कम्पनीको सञ्चालक समिति बैठकले आर्थिक वर्ष २०७९/८० को वित्तीय विवरणअनुसार सो आवको वितरणयोग्य नाफाबाट हाल कायम रहेको चुक्ता पूँजीको १० प्रतिशत बोनस सेयर घोषणा गरेको हो । साथै सो बोनस सेयरका लागि कर प्रयोजनार्थ ०.५२ प्रतिशत नगद लाभांश पनि घोषणा गरेको छ ।
यस कम्पनीले बीमा प्राधिकरणले जीवन बीमा कम्पनीहरुलाई तोकेको न्युनतम चुक्ता पूँजी ५ अर्ब पुर्याउनुपर्ने छ । हाल ४ अर्ब २९ करोड चुक्ता पूँजी रहेको कम्पनीले १७ प्रतिशत हकप्रद सेयर निष्कासन गरी पूँजी पु¥याउने योजना बनाएको थियो ।
अब घोषित बोनस सेयर वितरण पश्चात कम्पनीको चुक्ता पूँजी ४ अर्ब ७२ करोड ५६ लाख रुपैयाँ पुग्नेछ । त्यसपछि भने कम्पनीले ७ प्रतिशत मात्रै हकप्रद सेयर निष्कासन गरेर पनि चुक्ता पूँजी पु¥याउन सक्नेछ । साथै १७ प्रतिशत हकप्रदको निर्णयलाई पुनरावलोकन गरी ७ प्रतिशत मात्रै कायम गर्न सैद्धान्तिक स्वीकृतिको लागि बीमा प्राधिकरणसमक्ष आग्रह गर्ने निर्णय कम्पनीले गरेको छ ।
– यस समाचारको श्रोत : Online Khabar हो ।