गण्डकीले लगायो हेल्प नेपालको अपराजित यात्रामा विराम

२३ जेठ, काठमाडौं ।आठौं प्रधानमन्त्री कप एनभिए लिगमा पुरुषतर्फ टिपटप हेल्प नेपाललाई ३–२को सेटमा पराजित गर्दै गण्डकी प्रदेशले हेल्प नेपालको अपराजित यात्रामा विराम लगाएको छ ।

दशरथ रंगशाला कर्भड हलमा बुधबार भएको खेलमा २७–२५, २१–२५, २८–३०, २५-२१ र १५– ९ ले हराउँदै गण्डकी प्रदेशले अपराजित यात्रा कायम राखेको छ । पहिलो सेट जितेको गण्डकीले दोस्रो र तेस्रो सेट प्रतिस्पर्धामा पछि पर्दै गुमाए पछि पुन चौथो र पाँचौं सेट जित्दै खेल आफ्नो पक्षमा पारेको हो ।

गण्डकीले यसअघि एपिएफ क्लब, सुदुरपश्चिम,कोशी र बुढानिलकण्ठलाई हराएको थियो ।टिपटप हेल्प नेपालले यसअघि बुढानिलकण्ठ, कोशी प्रदेश , एपिएफ र सुदुरपश्चिमलाई हराएको थियो ।

आजको अन्तिम खेलमा आज एपिएफ र बुढानिलकण्ठ भिड्नेछन् ।यस अघि भएको पुरुष तर्फका पहिलो खेलमा सुदुरपश्चिमले कोशीलाई हराएको थियो भने दोस्रो खेल विभागीय डर्बी बिच भएको थियो जसमा आर्मीलाई हराउँदै पुलिसले बाजी मारेको थियो ।

यता, बिहान भएको महिलातर्फको खेलमा कर्णाली प्रदेशविरुद्ध नेपाल पुलिसले चौथो जित हात पार्दै फाइनल पुगेको छ भने दोस्रो खेलमा चन्द्रागिरी न्यु डाइमन्डलाई हराउँदै त्रिभुवन आर्मीले जित हात पारेको छ ।

– यस समाचारको श्रोत : Online Khabar हो ।