सिरहा र धनुषा जोड्ने देशकै लामो झोलुंगे पुल सञ्चालनमा
१२ फागुन, जनकपुरधाम । प्रधानमन्त्री पुष्पकमल दाहाल प्रचण्डले धनुषा–सिरहा जोड्ने कमला नदीमा निर्माण भएको झोलुंगे पुलको उद्घाटन गरेका छन् ।
सिराहा नगरपालिका – १३ मल्हनीया र धनुषाको जनकनन्दिनी गाउँपालिका – ६ कठाल जोड्ने गरी याे पुल निर्माण भएको हो । एक हजार पाँच सय दशमलव ४४ मिटर लम्बाइ र १.२ मिटर चौडाइ रहेको यो नेपालकै सबैभन्दा लामो पुल भएको दाबी गरिएको छ ।
संघीय सरकारको सस्पेन्सन ब्रिज डिभिजनको २८ करोड रुपैयाँ लागतमा थानी निर्माण सेवा काठमाडौंले यो निर्माणको ठेक्का लिएको थियो । १ असोज ०७९ देखि निर्माण सुरु गरीएको पुल निर्माण ठेक्का अवधिभन्दा ६ महिना अगावै सकिएको हो । पूलको भारवहन क्षमता ५४० मेट्रिक टन (करिब ३८८६ पदयात्री) छ ।
पुल उद्घाटनसँगै धनुषाको पूर्वी भेगसहित प्रदेशको राजधानी जनकपुर र सिराहाका विभिन्न ठाउँमा आवत–जावत गर्न सहज भएको छ ।
– यस समाचारको श्रोत : Online Khabar हो ।