संवैधानिक परिषद्लाई भागबण्डा परिषद् नबनाऔं : अर्जुननरसिंह केसी
२६ कात्तिक, काठमाडौं । नेपाली कांग्रेसका सांसद अर्जुननरसिंह केसीले सुशासन र भ्रष्टाचार नियन्त्रणका लागि सांसद आयोगलाई स्वतन्त्र हुन दिनुपर्ने बताएका छन ।
सोमबार प्रतिनिधि सभाअन्तर्गतको राज्य व्यवस्था तथा सुशासन समितिको बैठकमा अख्तियार दुरुपयोग अनुसन्धान आयोग एन संसोधन विधेयकमाथिको छलफलमा उनले यस्तो बताएका हुन ।
‘सत्ता, शक्ति र भ्रष्टाचार प्रयायवाची भएको भास्य आम रुपमा छ। यो भास्य चिर्न अख्तियारले निश्पक्ष्यता पुर्वक काम गर्न र सक्रिय हुने वातावरण आवश्यक छ’ उनले भने ।
आयोगमा पदाधिकारी नियुक्त गर्दा नै ख्याल गर्नुपर्ने उनको सुझाव छ ।
‘शक्तिको दुरुपयोग नहोस् भनेर अख्तियार स्थापना भएको हो’ केसीले अगाडि भने, ‘तर सांसद परिषद भागवण्डा परिषद भएको छ । सांसद परिषद भागवण्डा परिषद नबनाऔं तब मात्रै निश्पक्ष्य काम हुन्छ ।’
अख्तियारसहितका संवैधानिक निकायका प्रमुख, पदाधिकारीहरू र प्रधान न्यायाधीशको नियुक्तिको सिफारिस गर्ने जिम्मेवारी सांसद परिषदलाई छ ।
संविधानको धारा २८४ अनुसार प्रधानमन्त्रीको अध्यक्षतामा रहेको संवैधानिक परिषदमा प्रतिनिधि सभाको सभामुख, राष्ट्रिय सभाको अध्यक्ष, प्रतिनिधि सभाको विपक्षी दलको नेता, प्रतिनिधि सभाको उपसभामुख, प्रधानन्यायाधीश सदस्य रहन्छन् ।
यो परिषदले गर्ने सिफारिसप्रति कांग्रेस सांसद केसीले प्रश्न उठाएका हुन्।
नीतिगत भ्रस्टाचार नियन्त्रणको उपाय खोजिनुपर्नेमा पनि उनले जोड दिए ।
‘नीतिगत निर्णयका नाममा व्यापक भ्रष्टाचार छ । प्लेन खरिद, ललिता निवासको विषय यसको उदाहरण हो’ केसीले भने, ‘नीतिगत निर्णय नियन्त्रण भएन भने भ्रष्टाचार नियन्त्रण हुँदैन।’
नीतिगत निर्णयको स्पष्टता आवश्यक रहेको र यस अनुसार एन बन्नुपर्ने उनको राय छ ।
– यस समाचारको श्रोत : Online Khabar हो ।