ओलीको शतकमा इंग्ल्यान्डको मजबुत योगफल
४ असार, काठमाडौं – युवा ब्याटर ओली पोपको शतकमा इंग्ल्यान्डले दोस्रो टेस्ट खेलमा वेष्टइण्डिजविरुद्ध मजबुत योगफल बनाएको छ । नोटिंघममा टस हारेर ब्याटिङ थालेको इंग्ल्यान्ड पहिलो दिन ८८.३ ओभरमा ४१६ रनमा अल आउट भयो ।
ओली पोपले १६७ बलमा १५ चौका र १ छक्कासहित १२१ रनको शतकीय इनिङ खेले । ओपनर ज्याक क्रली शून्य, बेन डकेट ५९ बलमा १४ चौकासहित ७१ र जो रुट १४ रनमा आउट भए । त्यसपछि कप्तान बेन स्टोक्सले १०४ बलमा ८ चौकासहित ६९, ह्यारी ब्रुक र जेमी स्मिथ ३६-३६ रनमा आउट भए । क्रिस वोक्सले ३७ र मार्क वुडले १३ रन बनाए ।
वेष्टइण्डिजका अल्जारी जोशेफले ३, जयडेन सिल्स, केभिन सिंक्लेयर र केभीम होड्गले २-२ विकेट लिए । तीन खेलको टेस्ट सिरिजमा इंग्ल्यान्ड १-० ले अघिछ । पहिलो खेलमा वेष्टइण्डिज ११४ रनको इनिङ अन्तरले पराजित भएको थियो ।
– यस समाचारको श्रोत : Online Khabar हो ।