Main

प्रधानमन्त्री ओलीको शपथमा पुगे राजेश हमाल, दिनेश डीसीदेखि श्रृंखलासम्म

काठमाडौं । नवनियुक्त प्रधानमन्त्री केपी शर्मा ओलीले सोमबार बिहान राष्ट्रपति भवन शीतल निवासमा पद तथा गोपनीयताको शपथ लिए । शपथ समारोहमा ओलीलाई बधाई दिन राजनीतिज्ञ, व्यवसायी, कलाकारदेखि विभिन्न पेशा व्यवसायका व्यक्तिको उपस्थिति रह्यो ।

जसमध्ये निम्तो दिइएका केही कलाकार पनि शपथ ग्रहण समारोहमा उपस्थित थिए । फिल्म अभिनेता राजेश हमाल, निर्देशक तथा सञ्चारकर्मी दिनेश डीसी, गायिका इन्दिरा जोशी, गायक शिशिर योगी, पूर्वमिस नेपाल श्रृंखला खतिवडा, गायिका कोमल ओली, मोडल एलिजा गौतम, रेडियो प्रस्तोता सञ्जय गुप्ता पनि शपथ ग्रहण समारोहमा देखिए ।

अभिनेता हमाल दौरा, सुरुवाल र कोटमा उपस्थित थिए । यसअघि ओली प्रधानमन्त्री हुँदा हमाल उनीसँगै भारत भ्रमणमा समेत गएका थिए । फिल्म निर्देशक तथा सञ्चारकर्मी डीसीले मञ्चमै पुगेर ओलीलाई बधाई दिए ।

– यस समाचारको श्रोत : Online Khabar हो ।

Related Articles

Back to top button