Main
पाकिस्तानले साफ यू २० च्याम्पियनसिप नखेल्ने
२७ असार, काठमाडौं । पाकिस्तानले आगामी अगष्टमा नेपालमा हुने साफ यू २० च्याम्पियनसिप नखेल्ने भएको छ ।
पाकिस्तानले आन्तरिक कारणले नाम फिर्ता लिएको जानकारी दिएको एन्फा प्रवक्ता सुरेश शाहले जानकारी दिए । पाकिस्तानले नखेल्ने भएपछि दक्षिण एसियाली फुटबल महासंघ (साफ)ले परिवर्तित खेल तालिका सार्वजनिक गरेको छ ।
जसअनुसार अब समूह ए र बी दुवैमा ३–३ टिम छन् । यसअघि समूह ए मा रहेको पाकिस्तान हटेपछि अब नेपाल, श्रीलंका र बंगलादेश यस समूहमा छन् । समूह बी मा भारत, माल्दिभ्स र भुटान छन् ।
साफ यू २० च्याम्पियनसिप अगष्ट १८ देखि २८ सम्म काठमाडौंमा हुनेछ । उद्घाटन खेलमा घरेलु टोली नेपालले श्रीलंकासँग खेल्ने छ । यस्तै नेपालले बंगलादेशसँग अगष्ट २२ मा खेल्ने छ । दुवै समूहको शीर्ष दुई टोली सेमिफाइनल प्रवेश गर्नेछन् ।
– यस समाचारको श्रोत : Online Khabar हो ।