मोक्षदालाई हराउँदै सैनिक च्याम्पियन

३० वैशाख, काठमाडौं । जयकुमार नाथ शाह मेमोरियल यू-१६ अन्तर विद्यालयस्तरीय टी-२० क्रिकेटको उपाधि सैनिक आवसीय महाविद्यालयले जितेको छ ।

प्रतियोगितामा मोक्षदालाई १० विकेटले हराउँर्दै सैनिक आवसीय महाविद्यालयले उपाधि जितेको हो ।

माथिल्लो मुलपानी क्रिकेट मैदानमा आइतबार भएको फाइनल खेलमा सुरुवाती ब्याटिङ गरेको मोक्षदाले २० ओभर ब्याटिङ गर्दै ८ विकेटको क्षतिमा १४२ रन बनाएको थियो । मोक्षदाको लागि संयम नेपालले सार्वधिक ३७ रन बनाए । नितेश बुढाथोकीले २४ र आलोक शाहले २२ न बनाए । सैनिकका लागि लब कुमार थाकु, सुबभ विष्ट र प्रत्युश आचार्यले समान १–१ विकृट लिए ।

जवाफी ब्याटिङमा सैनिकले वर्षाका कारण खेल प्रधावित हुँदा ९ ओभरमा ७० रनको लक्ष्य पाएको थियो । जसमा सैनिकले विना कुनै विकेट क्षति ६.५ ओभरमा लक्ष्य पूरा गरेको हो ।

सैनिकका लागि ओपनरद्धय रमन गिरी र रोजल खड्काले उत्कृष्ट साझेदारी गरे । सैनिकका लागि रमन गिरीले २० बलमा ३५ रन बनाए । त्यस्तै अर्का ब्याटर रोजल खड्काले २१ बलमा ३० रन बनाएका हुन् ।

प्रतियोगिताको उपाधी जितेसँगै सैनिकले पुरस्कार स्वरुप १ लाख ५० हजार जितेको छ । त्यस्तै, उपविजेता मोक्षदाले ७५ हजार जितेको छ ।

प्रतियोगितामा उत्कृष्ट बलर र ब्याटर दुवैमा मोक्षदा स्कुलका खेलाडी छनोट भए । उत्कृष्ट बलर इशान शाह र उत्कृष्ट ब्याटर संयम नेपाल घोषित भए । दुवैले १० हजार पुरस्कार प्राप्त गरे ।

इमर्जिङ प्लेअर सैनिक आवसीय महाविद्यालयका सफल पौडेल भए उनले ५ हजार पुरस्कार पाए । प्लेअर अफ दी सिरिजको उपाधी एन्जल हार्टका युवराज खत्रीले जिते । उनले भने २० हजार पुरस्कार प्राप्त गरेका छन् ।

प्रतियोगिता मुलपानी माथिल्लो र तल्लो गरि दुई वटा मैदानमा भएको थियो । जसमा १६ वटा विद्यालयहरुले प्रतिस्पर्धा गरेका थिए ।

– यस समाचारको श्रोत : Online Khabar हो ।