विस्का जात्राको पुर्वसन्ध्यामा भक्तपुरमा साँस्कृतिक नाँच (तस्वीरहरू)
२६ चैत, भक्तपुर । विस्का जात्राको पुर्व सन्ध्यामा भक्तपुरमा विस्का विशेष साँस्कृतिक कार्यक्रमको आयोजना गरिएको छ ।
पाँचतल्ले मन्दिर (तःमारी) मा सोमबार श्री नासः हैः मा बाजा समूहको आयोजनामा कार्यक्रम गरेको हो ।
कार्यक्रममा नेवारी समुदायले संयुक्त रुपमा धिमे बाजा (नेवार समुदायमा रहेको प्रचलित बाजा) प्रदर्शन गरेका थिए ।
हाकुपटासी (नेवार समुदायमा लगाइने परम्परागत फरिया) लगाएका सयौं युवतीहरुले धिमे बाजाको तालमा नाच पनि देखाएका थिए ।
पाँच तले मन्दिरका प्रत्येक तल्ला र परिसरमा रहेर उनीहरुले बाजा तथा नाच देखाएका थिए । नाच हेर्न मानिसहरूको भीड लागेको थियो ।
भक्तपुरको मुख्य बजारको रुपमा रहेको पाँचतल्ले मन्दिर परिसरमा दिनभरजसो प्रदर्शन गर्ने र दर्शकको भीड लागेको थियो ।
प्रत्येक वर्ष यही ठाउँमा राखेर काठैकाठबाट बनेको प्यागोडा शैलीको भैरबनाथका रथ डोरीको सहायताले तानेर जात्रा सुरु हुने परम्परा छ ।
तस्वीरहरू : विकास श्रेष्ठ/अनलाइनखबर
– यस समाचारको श्रोत : Online Khabar हो ।