नाडामा ‘नामी’ को धमाकेदार बुकिङ

१६ भदौ,काठमाडौं । चिनियाँ विद्युतीय गाडी (ईभी) ‘नामी’ ले काठमाडौंमा आइतबार सम्पन्न नाडा अटो शोमा धमाकेदार बुकिङ गरेको छ ।

नामीले शोमा ७ सय १७ युनिट गाडीको बुकिङ गर्न सफल भएको नेपालका लागि आधिकारिक विक्रेता एमएडब्लु वृद्धि कर्पले जनाएको छ ।

कम्पनीका अनुसार नाडा अटो शोमा नामीका ‘ई–१’ को मूल्य २९ लाख ९९ हजार, ‘ई–२’ को ३१ लाख ९९ हजार र ‘ई–३’ को ३४ लाख ९९ हजार थियो ।

यस्तै एमएडब्लुले नेपाल भित्र्याएको सेरेसको पनि शोमा २ सय १० युनिट बुकिङ भएको छ ।

‘सेरेस–३ प्रिमियम’ को मूल्य नाडा शोमा ४८ लाख ८७ हजार थियो तर यसको नियमित मूल्य ५२ लाख ९९ हजार हो ।

त्यस्तै ‘सेरेस–३ कम्फर्ट’ को मूल्य नाडामा ४५ लाख ४९ हजार थियो तर यसको नियमित मूल्य ४९ लाख ९९ हजार हो ।

सोही ग्रुपले नेपाल भित्र्याएको दिपलले १ सय ६५ युनिट बुकिङ गर्न सफल भएको छ ।

कम्पनीका अनुसार ‘दिपल एल०७’ को मूल्य नाडामा ६९ लाख ९९ हजार थियो । त्यस्तै ‘दिपल एस०७’ को मूल्य नाडा शोमा ७१ लाख ९९ हजार थियो ।



– यस समाचारको श्रोत : Online Khabar हो ।