देव र रिजनको टी-२० आईमा डेब्यू
१२ असोज, काठमाडौं – नेपालका शीर्षक्रमका ब्याटर देव खनाल र बायाँ हाते तीव्र गतिका बलर रिजन ढकालले क्यानडाविरुद्ध टी-२० आई मा डेब्यू गरेका छन् । किंग सिटीमा भएको टसमा नेपालका कप्तान रोहित पौडेलले जितेर पहिला फिल्डिङ गर्ने निर्णय लिएका हुन् ।
आईसीसी विश्वकप लिग-२ मा मौका नपाएका देव खनाल र रिजन ढकालले आज खेल्ने मौका पाएका छन् । टी-२० आईमा देव र रिजन दुबैको डेब्यू हो । देवले नेपालबाट सन् २०२२ मा पपुवा न्युगिनीविरुद्ध मार्चमा ओडीआईमा डेब्यू गरेका थिए । उनले हालसम्म १४ ओडीआई खेल खेलेका छन् । उनी लिग २ मा भने नेपालको अन्तिम १५ मा थिएनन् ।
स्पिनर ललित राजवंशीलाई नेपालले बेन्चमा राख्दै रिजन ढकाललाई डेब्यू दिएकोछ । उनले गत फेब्रुअरीमा टीयुमा नै क्यानडाविरुद्ध दुई ओडीआई खेल खेलेका थिए । लिग-२ को टोलीमा रहेपनि खेल्ने मौका पाएका थिएनन् । नेपालसँग टी-२० डेथ ओभर स्पेलिष्ट बलर अभिनाश बोहरा टोलीमा नहुँदा उनको स्थानमा रिजनलाई मौका दिएको हो ।
नेपालले आजको खेलमा आरिफ शेख, भीम सार्की, ललित राजवंशी, गुलशन झा र अर्जुन साउदलाई बेन्चमा राखेको छ ।
नेपालको प्लेइङ ११ :
आसिफ शेख, कुशल भुर्तेल, अनिल साह, रोहित पौडेल, कुशल मल्ल, दीपेन्द्रसिंह ऐरी, सोमपाल कामी, करण केसी, रिजन ढकाल, सन्दीप लामिछाने र देव खनाल ।
– यस समाचारको श्रोत : Online Khabar हो ।