अनर २०० सेरिज खरिदमा अफरै अफर

काठमाडौं । नेपालका लागि अनरको आधिकारिक वितरक सेलट्रोन नेपालले ‘द एआई पोर्ट्रेट मास्टर’ ट्यागलाइन सहित अनर २०० सेरिज आजदेखि बिक्री वितरण सुरु गरेको छ ।
अनरले यो स्मार्टफोन खरिद गर्न चाहने ग्राहकलाई लक्षित गरी १७ जुलाईदेखि प्रि-बुकिङ खुला गरेको थियो ।
प्रि-बुकिङ गर्ने ग्राहकका लागि कम्पनीले अनर च्वाइस वाच, च्वाइस इयरबर्ड एक्स ५ लगायतका रोचक उपहार र अफरहरू समेत उपलब्ध हुने घोषणा गरेको थियो । कम्पनीले प्रि-बुकिङ समय सकिए पनि फोन खरिद गर्ने ग्राहकलाई ती उपहारहरू उपलब्ध गराउने जनाएको छ ।
यो अफर २४ जुलाई देखि ३१ जुलाई २०२४ सम्म मान्य हुनेछ ।
अनर २०० सिरिजले पेरिसको सबैभन्दा महँगो र कालातीत स्टुडियो हार्कोर्ट स्टुडियोसँग सहकार्य गरेको जनाएको छ । जसमा एउटा फोटोसुटका लागि २००० युरो लागत पर्ने गर्दछ । यस सहकार्यबाट अनरले तीन वटा हार्कोर्ट पोर्ट्रेट मोडको साथमा उत्कृष्ट एआई पोर्ट्रेट प्रदान गर्न सक्षम हुने कम्पनीको भनाइ छ ।
अनर २०० सिरिजमा ५० एमपी पोर्ट्रेट मुख्य क्यामेरा रहेको छ जुन उन्नत हार्डवेयर र एआई-सञ्चालित सफ्टवेयरले सुसज्जित छ, जसले कुनै पनि प्रकाशमा उत्कृष्ट तस्वीर खिच्न सक्षम छ ।
सुपर डायनामिक एच९००० सेन्सर र फोर इन वान पिक्सेल बिनिङ टेक्नोलोजीको साथ कम प्रकाशमा पनि उत्कृष्ट तस्वीर खिच्ने फिचर रहेको कम्पनीले जनाएको छ । ५० एमपी पोर्ट्रेट टेलिफोटो क्यामेरा, अनुकूलित सोनी सेन्सरद्वारा सञ्चालित टाढाका वस्तुहरू स्पष्टसँग क्यमेरामा कैद गर्न सकिन्छ ।
नयाँ मोडलको सिरिजमा ५२०० एमएएच सिलिकन-कार्बन ब्याट्री प्रयोग भएकोले एकल चार्जमा ६१ घण्टासम्म निरन्तर संगीत स्ट्रिमिङ गर्न सक्षम रहेको कम्पनीको दाबी छ।
बलियो स्न्यापड्रागन ८एस जेन ३ प्रोसेसर रहेको अनर २०० प्रोले सिमलेस ग्राफिक्स रेन्डरिङ र रियल टाइम ग्यारेन्टी सहित ३ गेगाहर्जसम्मको सीपीयू रहने छ ।
मूल्य कति ?
अनर २०० प्रो ओसन सायन र ब्ल्याक गरी दुई रङ्गमा उपलब्ध हुनेछ भने अनर २०० मुनलाइट ह्वाइट र ब्ल्याकमा उपलब्ध हुनेछ ।
सेलट्रोन नेपालले अनर २०० १२ जीबी र्याम र २५६ जीबी स्टोरेज भेरियन्टको मूल्य ६४ हजार ९९९ रुपैयाँ तोकेको छ भने १२ जीबी र्याम र ५१२ जीबी स्टोरेज भेरियन्टको मूल्य ६७ हजार ९९९ रुपैयाँ तोकेको छ ।
अनर २०० प्रि-बुकिङ गर्ने ग्राहकले १३ हजार ९९९ रुपैयाँ पर्ने अनर च्वाइस वाच १ हजार ९९९ रुपैयाँमा प्राप्त गर्न सक्नेछन् भने स्क्रिन ब्रेकेज बीमाको लाभ पनि उठाउन सक्नेछन् ।
अनर २०० प्रो १२ जीबी र्याम र ५१२ जीबी स्टोरेज भेरियन्टको मूल्य ८४ हजार ९९९ रुपैयाँ तोकिएको छ भने प्रि-बुकिङ अवधिभित्र खरिद गर्ने ग्राहकले १३ हजार ९९९ रुपैयाँको अनर च्वाइस वाच, ५ हजार ४९९ मूल्यको अनर च्वाइस इयरबड एक्स५ सहित स्क्रिन ब्रेकेज बीमा र भीआईपी कार्ड पनि प्राप्त गर्नेछन् ।
बीमा दर्ताका लागि ग्राहकहरूले बक्ससँगै आउने क्यूआर स्क्यान गर्नुपर्नेछ भने बिमा र भीआईपी कार्डमा सर्तहरु लागु हुनेछन् ।
ग्राहकहरूले अनरको अधिकारिक स्टोरहरूबाट अनर २०० सेरिज अनलाइन र अफलाइन दुवै प्लेटफर्मबाट अर्डर गर्न सक्नेछन् । ग्राहकले दराज र हुकुट जस्ता अनलाइन प्लेटफर्मबाट अनर २०० सेरिज खरिद गर्न सक्नेछन् ।
– यस समाचारको श्रोत : Online Khabar हो ।