अनलाइनखबरकर्मी खत्रीलाई प्रादेशिक पत्रकारिता पुरस्कार
४ भदौ, सुर्खेत । अनलाइनखबरकर्मी यज्ञ खत्री प्रादेशिक पत्रकारिता पुरस्कारबाट सम्मानित भएका छन् । कर्णाली प्रदेश सरकारले ९ औं स्थापना दिवसको अवसरमा मंगलबार खत्रीलाई कर्णाली प्रदेश पत्रकारिता पुरस्कार प्रदान गरेको हो ।
पत्रकारितामार्फत कर्णालीको विकास र समृद्धिमा योगदान पुर्याएको भन्दै उनलाई पुरस्कृत गरिएको प्रदेश सरकारको आन्तरिक मामिला तथा कानुन मन्त्रालयले जानाएको छ । पत्रकार खत्रीलाई ५० हजार नगद र प्रमाणपत्रसहित कर्णालीका मुख्यमन्त्री यामलाल कँडेलले सम्मान गरे । खत्री आठ वर्षदेखि कर्णालीमा रहेर पत्रकारिता गर्दै आएका छन् ।
प्रदेश सरकारले हरेक वर्ष कर्णालीको विषयमा कलम चलाउने तीन जना पत्रकारलाई जनही ५० हजार रुपैयाँका दरले पुरस्कृत गर्दै आएको छ । यो वर्ष अनलाइनखबरकर्मी खत्रीसँगै पत्रकार राजेन्द्र कार्की र तुलाराम पाण्डे पनि पुरस्कृत भएका छन् ।
– यस समाचारको श्रोत : Online Khabar हो ।