अमेरिकाको सांगीतिक टुरमा व्यस्त अञ्जु पन्त
काठमाडौं । गायिका अञ्जु पन्त यतिबेला अमेरिकाको सांगीतिक टुरमा छिन् । गत ५ अक्टोबरदेखि उनी ‘अ मेलोडी क्वीन अञ्जु पन्त २०२४’ का लागि अमेरिका दौहाडामा छिन् ।
५ अक्टोबरमा भर्जिनियाबाट सुरु भएको उनको सांगीतिक टुर त्यसपछि पेन्सिलभेनिया, सान फ्रान्सिस्को र डालसमा सम्पन्न भइसकेको छ । ८ नोभेम्बर अर्थात् गत शुक्रबार उनी हलिउड नगरी लस एन्जलसमा गुञ्जिइन्, जहाँ उनलाई दर्शकको बलियो साथ मिल्यो ।
अञ्जुले आइतबार (१० नोभेम्बर)मा नर्थ क्यारोलिनामा सांगीतिक प्रस्तुति दिंदैछिन् । उक्त कार्यक्रमको तयारीमा रहेकी उनले त्यहाँका सुरक्षाकर्मीहरुसँगको तस्वीर समेत सेयर गरेकी छन् ।
नोभेम्बर १५ मा न्यु ह्याम्पसायरमा उनी गुञ्जिनेछिन् भने १६ नोभेम्बरमा नेब्रास्कामा प्रस्तुति दिएसँगै अञ्जुको यस सिजनको अमेरिका टुरले केही समयका लागि बिश्राम लिने उनले अनलाइनखबरलाई बताइन् ।
– यस समाचारको श्रोत : Online Khabar हो ।