आइइसी डिजाइनर रनवेमा सेलिब्रेटीको र्याम्प वाक (तस्वीर)
काठमाडौँ । १३ औँ संस्करणको ‘आइइसी डिजाइनर रनवे’ शनिबार सम्पन्न भएको छ । आयोजित शोमा जेन दीपिका गारेट, प्रियंका कार्की, नीति शाह, अस्मी श्रेष्ठ, मलिना जोशी, प्रियंकारानी जोशी, समर्पणजंग कार्कीले र्याम्पवाक गरे ।
शो-टपरको रुपमा उनीहरु आगामी सिजनको कलेक्सनसहित र्याम्पमा प्रस्तुत भएका हुन् । भारत रुस, सर्विया लगायत मुलुकका १३ अन्तर्राष्ट्रिय मोडलको सहभागिता थियो । २६ मोडलले नयाँ र आकर्षक डिजाइन प्रस्तुत गरेका थिए ।
यतिन नरेन्द्र गान्धीको कोरियोग्राफीमा शो आयोजना भएको थियो । शोमा आइसी कलेजका २०२१ ब्याजका ७३ जना विद्यार्थी डिजाइनरले तयार पारेका फरक पहिरनलाई १५ सिक्वेलमा मोडलले र्याम्पमा प्रस्तुत गरेका थिए ।
आयोजक आइसी कलेजकी प्रबन्ध निर्देशक शैलजा अधिकारीले ‘आइइसी डिजाइनर रनवे’को मुख्य उद्देश्य नेपाली फेसन डिजाइनरको प्रचारप्रसार गर्दै उनीहरूले डिजाइन गरेका नेपाली फेसनका आकर्षक डिजाइन अन्तर्राष्ट्रिय स्तरमा पुर्याउनु रहेको बताइन् ।
– यस समाचारको श्रोत : Online Khabar हो ।