एपीएफको लगातार तेस्रो जित, आर्मी र एन्जल्स हार्ट विजयी
१३ माघ, काठमाडौं । १६ औं संस्करणको होङवाङ्जी ढोरपाटन महिला भलिबल डबल लिग च्याम्पियनसिपमामा आइतबार नेपाल एपीएफ क्लब, त्रिभुवन आर्मी क्लब र एन्जल्स हर्ट विजयी भएका छन् ।
नेपाल एपीएफ क्लबले जावलाखेल भलिबल ट्रेनिङ क्लबलाई ३-० ले को सोझो सेटमा हराउँदै लगातार तेस्रो जितका साथ शीर्ष स्थानमा छ । एपीएफले २५-१, २५-३,२५-८ ले हरायो ।
एपीएफले पहिलो खेलमा बागमतीलाई ३-० र दोस्रो खेलमा आर्मीलाई ३-१ ले हराएको थियो ।
आर्मीले नेपाल पुलिस क्लबलाई ३-१ को सेटमा हारायो । आर्मीले २५-१९, १२-२५,२५-२३, ३०-२८ ले हराएको थियो ।
आर्मी सुरुवाती दुई खेलमा चन्द्रागिरी नगरपालिका न्यु डायमण्ड महिला भलिबल टिमसँग ३-२ र एपिएफसँग ३-१ ले पराजित भएको थियो ।
एन्जल्स हार्ट कलेजले धादिङ स्पोर्टस क्लबलाई ३-० को सोझो सेटमा हरायो । एन्जल्स हार्ट २५-११,२५-२३, २५-१८ ले विजयी भएको थियो ।
लिगमा नेपाल एपीएफ क्लब, नेपाल पुलिस क्लब, त्रिभुवन आर्मी क्लब, चन्द्रागिरी नगरपालिका यू डायमण्ड टिम, जावलाखेल भलिबल ट्रेनिङ क्लब, बागमती प्रदेश, धादिङ स्पोर्टस क्लब र एन्जल्स हार्ट छन् । शीर्ष ६ टोली अर्को राउण्डमा जानेछन् । दोस्रो राउन्डको शीर्ष टोलीले उपाधि पनि जित्नेछ ।
प्रतियोगिताको विजेता टोलीले ५ लाख १ हजार प्राप्त गर्नेछ । दोस्रो टोलीले २ लाख ५० हजार र तेस्रो टोलीले १ लाख २५ हजार पाउनेछन् । चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार पाउनेछन् ।
– यस समाचारको श्रोत : Online Khabar हो ।