Main
आर्सनल शीर्ष स्थानमा फर्कियो
९ वैशाख, काठमाडौं । वल्भ्सलाई २-० ले पराजित गर्दै आर्सनल प्रिमियर लिगको शीर्ष स्थानमा उक्लिएको छ ।
आर्सनलको जितमा लियोन्ड्रो ट्रोसार्डले ५४औं र कप्तान मार्टिन ओडेगार्डले इन्जुरी टाइमको पाँचौ मिनेटमा गोल गरे ।
जितपछि ३३ खेलबाट ७४ अंक जोडेर आर्सनल शीर्ष स्थानमा उक्लेको छ ।
अघिल्लो साता एस्टन भिल्लासँग पराजित भएपछि आर्सनलले शीर्ष स्थानमा पुग्ने मौका गुमाएको थियो । जसको फाइला म्यानचेष्टर सिटीले उठाएको थियो ।
एक खेल कम खेलेको सिटी ७३ अंक सहित दोस्रोमा छ ।
– यस समाचारको श्रोत : Online Khabar हो ।
