‘इन्क एण्ड इन्साइट्स’मा नोबेल पुरस्कार विजेता वैज्ञानिक रोबर्ट्स
काठमाडौं । लेखक सुमित शर्मा समीरले सञ्चालन गरिरहेको पोडकास्ट इन्क एण्ड इन्साइट्समा नोबेल पुरस्कार विजेता वैज्ञानिक सर रिचार्डस् जे रोबर्ट्स आएका छन् ।
बेलायतका वैज्ञानिक रोबर्ट्सले सन् १९९३ मा फिजियोलोजी तथा मेडिसिन विधामा नोबेल पुरस्कार पाएका थिए । उनले मोलिकुलर बायोलोजी तथा जिन सिक्वेन्सिङमा अतुलनीय योगदान दिएको मानिन्छ ।
रोबर्ट्ससँगको पडकास्ट इन्क एण्ड इन्साइट्समा सोमबार राखिएको छ । इन्क एण्ड इन्साइट्समा समीरले संसारभरिका लेखक, साहित्यकार तथा विचारकहरुसँग कुराकानी गर्ने गरेका छन् । नेपालबाटै सञ्चालन हुने यो पोडकास्ट संसारभरि सुनियोस् तथा हेरियोस् भन्ने उद्देश्य रहेको समीर बताउँछन् ।
इन्क एण्ड इन्साइट्समा समीरले पुजित्जर पुरस्कार विजेता लेखक काई बर्ड, भारतीय प्रधानमन्त्री नरेन्द्र मोदीका सल्लाहकार सञ्जीव सत्याल, दार्शनिक पिटर एडमासन लगायतसँग कुराकानी गरिसकेका छन् ।
‘वेकअप अर्ली, वेक अप नाउ’ पुस्तकका लागि सन् २०२२ को केएलएफ बुक अवार्ड पाएका समीरले लण्डन स्कुल अफ इकोनोमिक्स एण्ड पोलिटिकल साइन्सबाट स्नातकोत्तर गरेका छन् ।
– यस समाचारको श्रोत : Online Khabar हो ।