Main

एन्फा यू-१८ लिग : संकटाले मच्छिन्द्रलाई हराउँदा आर्मीको बराबरी

७ मंसिर, काठमाडौं । ललित स्मृति एन्फा यू-१८  युथ लिगमा शुक्रबार संकटा एफसीले जित निकालेको छ । संकटाले मच्छिन्द्रलाई ४-२ गोलअन्तरले हराएको हो ।

संकटाका लागि कृष्णबहादुर आलेले दुई गोल गरे भने सविन मगर र सुदिप लामाले एक-एक गोल गरे । मच्छिन्द्रका लागि कबिर तामाङ र रोनिक राना मगरले एक-एक गोल गरे ।

खेलमा दुईपटक अग्रता लिएको भएपनि अन्तिमसम्म सम्हालिन नसक्दा मच्छिन्द्रले हार व्यहोरेको हो । २-१ ले पछाडि रहेको अवस्थामा संकटाले अन्तिम समयतिर तीन गोल गर्दै जित निकालेको हो ।

त्यसैगरी आजै भएको पहिलो खेलमा त्रिभुवन आर्मी र एपिएफले २-२ गोलको बराबरी खेलेका छन् ।

आर्मीका लागि रुस्तम थापामगर र अनुभव पुरीले एक-एक गोल गर्दा एपिएफका सजन योन्जन र सुनिल थिङले एक-एक गोल गरे ।

– यस समाचारको श्रोत : Online Khabar हो ।

Related Articles

Back to top button