खैरो हेरोइनसहित नागढुंगाबाट एक युवक पक्राउ

९ मंसिर, काठमाडौं । अवैध लागुऔषध खैरो हेरोइनसहित नागढुंगाबाट एक युवक पक्राउ परेका छन् ।

पक्राउ पर्नेमा इलामको चुलाचुली गाउँपालिका–४ का २१ वर्षीय अबिरल हिङमाङ छन् । उनलाई प्रहरी प्रभाग नागढुंगाबाट खटिएको टोलीले पक्राउ गरेको हो ।

नेपालगञ्जबाट काठमाडौं आउँदै गरेको बा.प्र. ०१–००६ ख ४७९७ नम्बरको यात्रुबहाक बसबाट उनलाई प्रहरीले पक्राउ गरेको हो ।

उनको साथबाट ९ ग्राम खैरो हेरोइन फेला परेको छ । पक्राउ परेका उनलाई थप अनुसन्धान तथा कारबाहीका लागि प्रहरी वृत्त थानकोट पठाइएको छ ।

– यस समाचारको श्रोत : Online Khabar हो ।