ओलम्पिक कमिटीसँग चिनियाँ प्रतिनिधिको भेट

२० पुस, काठमाडौं । चीनको जेजियाङ प्रान्तका खेलकुद प्रतिनिधिहरूले नेपाल ओलम्पिक कमिटीका पदाधिकारीहरूसँग शिष्टाचार भेट गरेका छन्।

सातदोबाटोस्थित कमिटीको प्रधान कार्यालयमा भएको भेटमा दुई पक्षबीच सहयोग र सहकार्यको आदान प्रदान गर्नेबारे छलफल भएको थियो । जेजियाङ प्राप्तको प्रमुख शहर हाङझाउले हालै मात्र एसियाली खेलकुदको आयोजना गरेको थियो ।

त्यस अवसरमा कमिटीका अध्यक्ष जीवनराम श्रेष्ठले हाङझाउले सफलतापूर्वक एसियाली खेलकुदको आयोजना गरेकोमा धन्यवाद व्यक्त गर्दै चीनले नेपाली खेलकुदको विकासमा लामो समयदेखि लगातार सहयोग गर्दै आएको बताए ।

चिनियाँ प्रतिनिधि मण्डलका प्रमुख चेङ याउले एसियाली खेलकुदमा नेपालको उत्साहवर्द्धक सहभागिताका लागि धन्यवाद व्यक्त गरे ।

सहभागिताका आधारमा विश्व खेलकुदकै सबैभन्दा ठूलो खेल महोत्सवका रूपमा आयोजना भएको हाङचाउ एसियाली खेलकुदलाई अहिलेसम्मकै सफल मानिएको छ ।

१९औं एसियाडमा नेपालले एक रजत र एक कांस्य पदक जितेको थियो । याउ हाङझाउ एसियाली खेलकुद आयोजना कमिटीका उप-सचिव हुन् । यस्तै उनी जेजियाङ प्राप्तको खेलकुद ब्युरोका निर्देशक समेत हुन् ।

उनले आफ्नो प्रान्त नेपालीको विकासका लागि सहयोग गर्न सधैं तयार रहेको बताउँदै दुई पक्षबीच प्रतियोगिता र प्रशिक्षणका लागि खेलाडी आदान प्रदान गर्ने प्रस्ताव पनि राखेका ओलम्पिक कमिटीले जनाएको छ ।

उनले आफूहरू नेपालमा ड्रायगन–बोट खेलको प्रवर्द्धन र विकास गर्न पनि तत्पर रहेको बताए । दक्षिण चीनमा यो खेल निकै लोकप्रिय रहेको र चीन अहिले यसको प्रचार प्रसारमा छ ।

– यस समाचारको श्रोत : Online Khabar हो ।