राष्ट्रपति पौडेलले शुभ साइतमा दाजुको हातबाट टीका लगाउने, ३ बजेपछि अरुलाई टीका लगाइदिने

२६ असोज, काठमाडौं । राष्ट्रपति रामचन्द्र पौडेलले आज दिउँसो ३ बजेदेखि ५ बजेसम्म दशैंको टीका लगाइदिने भएका छन् । टीकाको कार्यक्रम राष्ट्रपति भवन शीतलनिवासमा हुनेछ ।

राष्ट्रपति कार्यालयका अनुसार दिउँसो ३ बजेदेखि साढे ३ बजेसम्म अतिविशिष्ट र विशिष्ट व्यक्तित्वलाई  तथा साढे ३ बजेदेखि ५ बजेसम्म सर्वसाधारणलाई टीका जमरा लगाइदिने गरी समय निर्धारण गरिएको छ ।

राष्ट्रपति पौडेल आफूले भने ९४ वर्षीय दाजु डुण्डीराज पौडेल र गुरु पुरोहितबाट टीका लगाउने छन् ।

राष्ट्रपति पौडेलले ११ः३६ बजेको शुभसाइतमा शीतल निवासमा टीका र जमरा ग्रहण गर्ने कार्यक्रम छ ।

– यस समाचारको श्रोत : Online Khabar हो ।