कमजोर भिजिबिलिटीले तराईका तीन विमानस्थलमा उडान प्रभावित

२८ कात्तिक, काठमाडौं । कमजोर भिजिबिलिटीका कारण तराई भेगका विमानस्थलमा बुधबार बिहानभर उडान प्रभावित भएको छ ।

वायुसेवा कम्पनीहरूका अनुसार भैरहवा, भरतपुर र सिमरामा बिहानैदेखि उडान प्रभावित भएको हो ।

तराईमा बाक्लो हुस्सु लाग्ने भएका कारण बिहानको समयमा उडान नहुने समस्या छ ।

बुधबार पोखरामा भने उडान नियमित भएको छ । बुद्ध एयरले आज तराईका तीन विमानस्थलमा उडान प्रभावित भएको बताएको छ ।

– यस समाचारको श्रोत : Online Khabar हो ।