कमजोर ‘भिजिबिलिटी’ ले सिमरा उडान प्रभावित

२५ चैत, काठमाडौं । तराई भेगमा कमजोर ‘भिजिबिलिटी’ हुँदा आइतबार सिमरा विमानस्थलको उडान प्रभावित भएको छ ।

सिमरामा आज निर्धारित उडान ‘डिले’ भइरहेका छन् । निजी वायुसेवा कम्पनी बुद्ध एयरका अनुसार आज बिहानैबाट कमजोर भिजिबिलिटीले सिमरामा उडान हुन नसकेको हो ।

सिमरा विमानस्थल वरपर लागेको डढेलो तथा खेतमा किसानले लगाएको आगोले उत्पन्न धुवाँका कारण समेत यो विमानस्थल आसपास भिजिबिलिटी कम हुने गर्छ ।

तराईका अन्य विमानस्थलमा भने उडान सामान्य रहेको कम्पनीले जनाएको छ ।

– यस समाचारको श्रोत : Online Khabar हो ।