Main
कर्णाली याक्सले सार्वजनिक गर्यो ५ उदयीमान क्रिकेटर
४ मंसिर, काठमाडौं । नेपाल प्रिमियर लिग (एनपीएल)को फ्रेन्चाइज क्लब कर्णाली याक्सले पाँच जना उदयीमान खेलाडी सार्वजनिक गरेको छ ।
कर्णाली याक्सले कर्णाली प्रदेशबाट छानिएका पाँच जना उत्कृष्ट खेलाडीको नाम मंगलबार सार्वजनकि गरेको हो । उदयीमान खेलाडी छनोटका लागि याक्सको टोली केही दिनअघि सुर्खेत पुगेको थियो ।
उत्कृष्ट पाँचमा छनोट हुनेहरूमा मनिष थापा, निश्चल रावल, विपिनप्रसाद शर्मा, राजप्रसाद शाह र अरविन्द घर्ती रहेका छन् । उनीहरूले प्रदेशबाट राष्ट्रिय प्रतियोगिता खेलिसकेका छन् ।
कर्णाली याक्सले छनोट भएका उदयमान खेलाडीलाई बधाई दिंदै सहभागी भएकाहरूलाई क्रिकेट सपनालाई निरन्तरताका लागि शुभकामना दिएको छ ।
– यस समाचारको श्रोत : Online Khabar हो ।