Main
काठमाडौंको गंगाहलमा बसको ठक्करबाट मोटरसाइकल चालकको मृत्यु
३० कात्तिक, काठमाडौं। काठमाडौं महानगरपालिका–१६ गंगाहल नजिक सडकमा बसको ठक्करबाट मोटरसाइकल चालकको मृत्यु भएको छ ।
सु.प. प्र. ०२–००१ ख १३३० नम्बरको बसले प्रदेश ३–०२–००७ प ७६१० नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको हो ।
बिहीबार राति दुर्घटना हुँदा मोटरसाइकल चालक काठमाडौं महानगरपालिका–१६ माछापोखरी बस्ने १८ वर्षीय युनिक खड्काको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको त्रिवि शिक्षण अस्पताल महाराजगंजमा उपचारको क्रममा मृत्यु भएको हो।
साथै दुर्घटनामा घाइते भएका मोटरसाइकलमा सवार १ जनाको हेम्स अस्पताल धुम्बाराहीमा उपचार भइरहेको छ। बस चालकलाई प्रहरीले नियन्त्रणमा लिएको छ ।
– यस समाचारको श्रोत : Online Khabar हो ।