‘कान्स फिल्म फेस्टिभल’मा सहभागी हुन मेयर बालेन फ्रान्स प्रस्थान

१ जेठ, काठमाडौं । कान्स फिल्म फेस्टिभलमा सहभागी हुन काठमाडौं महानगरपालिकाका मेयर बालेन शाह फ्रान्स प्रस्थान गरेका छन् । त्यहाँ उनी विभिन्न कार्यक्रममा सहभागी हुने मेयर सचिवालयले जानकारी दिएको छ ।

शाहको मेयर लिसनार्ड र फेस्टिभल निर्देशकसँग भेटवार्तासहित फेस्टिभलको रेडकार्पेट र प्रिमियर कार्यक्रममा प्रमुख सहभागी हुनेछन् । यस्तै अडियो भिजुअल कन्टेन्ट क्रियसन चेनको पनि अवलोकन गर्नेछन् ।

१२ दिनसम्म चल्ने फेस्टिभलमा मेयर बालेन ३ दिन कार्यक्रममा सहभागी भएर जेठ ७ गते स्वदेश फर्किने सचिवालयले जानकारी दिएको छ ।

– यस समाचारको श्रोत : Online Khabar हो ।