Main
काभा यु-२० च्याम्पियनसिपमा नेपालको विजयी सुरुवात
२० असोज, काठमाडौं । श्रीलंकामा आइतबार सुरु काभा पुरुष यु–२० भलिबल च्याम्पियनसिपमा नेपालले विजयी सुरुवात गरेको छ ।
कोलम्बोमा आइतबार भएको पहिलो खेलमा नेपालले घरेलु टोली श्रीलंकालाई ३–० को सेटमा पराजित गरेको हो ।
पहिलो सेट सहजै जितेको नेपाललाई घरेलु टोलीले दोस्रो र तेस्रो सेटमा कडा चुनाैती दिएको थियो । नेपालले श्रीलंकालाई २५-१४, २५-२३, २८-२६ ले पराजित गरेको हो ।
प्रतियोगिताको दोस्रो खेलमा नेपालले असोज २१ गते उज्वेकिस्तानसँग, तेस्रो खेलमा असोज २२ गते माल्दिभ्ससँग, चौथो खेलमा असोज २४ गते कीर्गिस्तानसँग तथा पाँचौ खेलमा तुर्किमेनिस्तानसँग खेल्नेछ ।
प्रतियोगिता असोज २६ गतेसम्म सञ्चालन हुनेछ । लिग चरणमा शीर्ष दुईमा रहने टोलीले फाइनल खेल्नेछन् ।
– यस समाचारको श्रोत : Online Khabar हो ।