‘पब्लिक क्याम्पस एड्मिनिस्ट्रेसन कप’ उपाधि आयोजक क्याम्पसलाई
२३ जेठ, काठमाडौं । ‘पब्लिक क्याम्पस एड्मिनिस्ट्रेसन कप’ क्रिकेट प्रतियोगिताको उपाधि आयोजक जनप्रशासन क्याम्पसले जितेको छ । फाइनलमा त्रिचन्द्र क्याम्पसलाई पराजित गर्दै जनप्रशासनले उपाधि जितेको हो ।
क्याम्पसले उपाधिसँगै ५० हजार नगद जितेको छ भने त्रिचन्द्र क्याम्पसले २५ हजार नगद हात पारेको छ ।
जनप्रशासन क्याम्पसको स्वतन्त्र विद्यार्थी युनियनले आयोजना गरेको अन्तर क्याम्पस क्रिकेट प्रतियोगिता १५ जेठदेखि २२ गतेसम्म सञ्चालन भएको थियो । यसमा उपत्यकाका १४ वटा क्याम्पसले सहभागिता जनाएका थिए ।
स्ववियु अध्यक्ष अग्रबहादुर शाहीले क्याम्पस तथा विद्यार्थीहरुबीच सामिप्यता, सहकार्य बढाउन सहयोग पुग्ने भएकाले प्रतियोगिताको आयोजना गरेको बताए ।
ल्याबोरेटरी स्कुलको खेल मैदान किर्तिपुरमा भएको प्रतियोगितामा ‘म्यान अफ दि सिरिज’ सत्यम यादव भएका छन् ।
– यस समाचारको श्रोत : Online Khabar हो ।