Main
कुवामा डुबेर युवकको मृत्यु
४ कात्तिक, तुलसीपुर (दाङ) । कुवामा डुबेर एकजनाको मृत्यु भएको छ । तुलसीपुर उपमहानगरपालिका–२ कुमलगडी निवासी २९ वर्षीय रजमान चौधरीको आइतबार बिहान कुवामा डुबेर मृत्यु भएको हो ।
आफ्नै घर नजिकको कुवामा डुबेको अवस्थामा चौधरी मृत फेला परेका इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
चौधरीकी भाउजु आँसी चौधरीले कुवाबाट पानी तान्ने क्रममा रजमान डुबेको देखेपछि प्रहरीलाई खबर गरेकी थिइन् । प्रहरीले रजमानको शव निकालेर परिवारलाई जिम्मा लगाएको छ ।
– यस समाचारको श्रोत : Online Khabar हो ।