केभिन डी ब्रुएनाले सिटी छोड्दैनन् : पेप ग्वार्डिओला

८ साउन, काठमाडौं । म्यानचेस्टर सिटीका प्रशिक्षक पेप गार्डिओलाले मिडफिल्डर केभिन डी ब्रुएनाले क्लब नछाड्ने बताएका छन् ।

केभिनले आउँदो समर विन्डोमा सिटी छोडेर साउदी अरेबिया जाने हल्लाका बीच प्रशिक्षक ग्वार्डिओलाले उनले सिटी नछाड्ने बताएका हुन् ।

सिटीसँग उनको सम्झौता अझै एक वर्ष बाँकी रहे पनि साउदी प्रो लिगबाट निकै ठूलो रकम प्रस्ताव आएका कारण उनले सिटी छाड्ने विश्लेषणहरु भएका थिए । तर प्रशिक्षक गार्डिओलाले उक्त सम्भावना नकारे ।

‘केभिनले सिटी छोड्नेवाला छैनन्’, उनले प्रि सिजन खेलको दौरान भने । सिटीले बुधबार उत्तर क्यारोलेनाको चेपल हिलमा सेल्टिकविरुद्ध प्र –सिजन खेल खेल्दैछ ।

गत सिजन डी ब्रुएनाले सिटीलाई प्रिमियर लिगको उपाधि दिलाउन निकै महत्वपूर्ण भूमिका खेलेका थिए । यो उपाधि क्लबको लगातार चौथो र क्लबका लागि छैटौं प्रिमियर कपको उपाधि थियो ।

पछिल्लो समय क्रिस्टल प्यालेसबाट एबेरेच एज सिटीमा अनुबन्ध हुने र बेल्जियन गोलकिपर एडरसनले सिटी छाडेर साउदी जाने हल्ला चलिरहेको छ ।

प्रशिक्षक ग्वार्डिओला भने अघिल्लो सिजनको टिममा धेरै फेरबदल नहुने बताउँछन् । ‘यदि कसैले टिम छोड्छ भने हामी त्यसबारे कुरा गर्नेछौं । हामीसँग विन्डोको अन्तिम दिनसम्म सम्भावना छ’, उनले भने, ‘म नयाँ खेलाडीलाई विकल्पको लागि खारेज त गर्दिन तर ८५, ९० देखि ९५ प्रतिशत हाम्रो उही टिम हुनेछ ।’

– यस समाचारको श्रोत : Online Khabar हो ।