काठमाडौं विश्वविद्यालयका संस्थापकमध्ये एक तुलाधारको निधन

३० फागुन, काठमाडौं । काठमाडौँ विश्वविद्यालयका संस्थापकमध्येका एक प्रा.डा. भद्रमान तुलाधरको निधन भएको छ । मस्तिस्कघातका कारण विगत तीन सातादेखि अस्पतालमा उपचाररत तुलाधरको बुधवार काठमाडौँमा निधन भएको हो ।

प्रा.डा. सुरेशराज शर्मा, प्रा.डा. तुलाधार तथा प्रा. सीताराम अधिकारी काठमाडौं विश्वविद्यालयका प्रमुख संस्थापक हुन् ।

गणितका प्राध्यापक प्रा.डा. तुलाधारले विश्वविद्यालयको रजिष्ट्रारका रुपमा पनि काम गरेका थिए । उनले रुसबाट गणितमा विद्यावारिधि गरेका थिए ।

तुलाधरको शवलाई श्रद्धाञ्जलिका लागि बिहीवार बिहान ९ बजेदेखि १०ः३० बजेसम्म स्कुल अफ म्यानेजमेन्ट (कुसोम) बालकुमारीमा राखिने र विहीवार नै अन्तिम संस्कार गरिने काठमाडौं विश्वविद्यालयका रजिष्ट्रार प्रा.डा. अच्युत वाग्लेले जानकारी दिए ।  

– यस समाचारको श्रोत : Online Khabar हो ।