क्यूएफएक्सको पर्दा संख्या ४० पुग्यो, फ्रेन्चाइजमा थपिए पोखरा र चितवनका दुई हल
काठमाडौं । देशभर क्यूएफएक्स सिनेमाजको पर्दा संख्या ४० र हल संख्या १७ पुगेको छ । मुलुकको सबैभन्दा ठूलो सिनेमा चेनसँग थप दुई हल आबद्ध भएका छन् ।
पोखराको सिनेप्लेक्स र चितवनको सीजी सिनेमाज पनि क्यूएफएक्ससँग जोडिएका छन् । ती हलका सञ्चालक र क्यूएफएक्सको माउ कम्पनी टिम क्वेस्ट इन्टरटेनमेन्ट प्रालिका निर्देशक भाष्कर ढुंगानाबीच हालै लिखित सम्झौता भएको छ ।
ती दुई हलमा गरी चारवटा पर्दा छन् । पोखराको सिनेप्लेक्ससँग क्यूएफएक्सको यो दोस्रोपटकको व्यावसायिक सहकार्य हो ।
गत महिना काठमाडौंको दरबारमार्गस्थित राइजिङ मलको क्युज हल र सामाखुसीको निर्माणाधीन सिटी स्क्वायर मलको हल पनि क्यूएफएक्ससँग जोडिइसकेका छन् ।
यसबारे क्यूएफएक्सले विज्ञप्ति जारी गर्दै दर्शकले नयाँ हलमा पनि मोबाइल एपबाट अनलाइन टिकेटिङ र अनलाइन फुड खरिद गर्न सक्ने उल्लेख गरेको छ । योसँगै काठमाडौंमा क्यूएफएक्सका हलको संख्या ७ र उपत्यकाबाहिर १० पुगेको छ ।
– यस समाचारको श्रोत : Online Khabar हो ।