Main
नेपाल विद्युत् प्राधिकरणको सञ्चालकमा रतनबहादुर ऐर नियुक्त
१७ पुस, काठमाडौं । नेपाल विद्युत् प्राधिकरण सञ्चालक समितिको सदस्यमा इन्जिनियर रतनबहादुर ऐर नियुक्त भएका छन् ।
उनी अमरगढी नगरपालिका–४ डडेल्धुराका स्थानीय हुन् । सोमबार बसेको ऊर्जा, जलस्रोत तथा सिँचाइ मन्त्री शक्तिबहादुर बस्नेत नेतृत्वको बैठकले ऐरलाई ४ वर्षका लागि सञ्चालक समिति सदस्यमा नियुक्त गरेको हो ।
विद्युत् क्षेत्रमा विशेषता हासिल गरेका गैर सरकारी व्यक्तिहरुमध्येबाट ऐरलाई नियुक्त गरिएको छ ।
सिभिल इन्जिनियरिङमा स्नातकोत्तर अध्ययन गरेका ऐरसँग प्राधिकरणका इन्जिनियरको रुपमा २९ वर्षभन्दा बढी काम गरेको अनुभव छ ।
– यस समाचारको श्रोत : Online Khabar हो ।