Main
गोपीचन्द्र पार्कीले लन्डन म्याराथनमा भाग लिने
२८ चैत, काठमाडौं । नेपाली धावक गोपीचन्द्र पार्कीले लन्डन म्याराथनमा भाग लिने भएका छन् ।
बिहीबार राष्ट्रिय खेलकुद परिषद् (राखेप)को कार्यक्रम हलमा उनलाई नेपालगञ्ज म्याराथन अध्यक्ष टीएस ठकुरी, सदस्य सचिव टंकलाल घिसिङलगायतले उनलाई बिदाइ गरेका छन् ।
गोपी शुक्रबार त्यसतर्फ प्रस्थान गर्नेछन् । लन्डन म्याराथन वैशाख ९ गते हुनेछ ।
नवौं नेपालगञ्ज म्याराथनको उपाधि जित्दै गोपी लन्डन म्याराथनको लागि छनोट भएका थिए ।
नेपाल रन युकेको सहकार्यमा नेपालगञ्ज म्याराथनले उपाधि विजेतालाई लन्डन म्याराथनमा सहभागिताको सुनिश्चितता गराएको हो ।
उनलाई हवाई टिकटको व्यवस्था राखेपले गर्नेछ भने लन्डनमा उनको व्यवस्थापन नेपाल रन युकेले गर्ने बताइएको छ ।
– यस समाचारको श्रोत : Online Khabar हो ।