नेपालविरुद्ध नेदरल्यान्ड्स : हालसम्म यस्तो छ नतिजा

४ फागुन, काठमाडौं – नेपालले आईसीसी क्रिकेट विश्वकप लिग–२ अन्तर्गत शनिबार नेदरल्यान्ड्सविरुद्ध खेल्दैछ । खेल बिहान ९:३० मा टियु क्रिकेट मैदानमा सुरु हुँदैछ । पहिलो खेलमा नेपाल नामिबियासँग ४ विकेटले पराजित भएको थियो ।

नेपाल दोस्रो खेलमा जित हात पार्न चाहन्छ । नेदरल्यान्ड्स लिग–२ को आफ्नो डेब्यू खेलमा विजयी सुरुवात गर्न चाहन्छ । नेपाल र नेदरल्यान्ड्सबीच हालसम्म तीन ओडीआई खेल भएका छन् । नेपाल एक खेलमा विजयी हुँदा दुई खेलमा पराजित भएको छ ।

नेपालले २०१८ मा अगष्ट १ मा नेदरल्यान्ड्ससँग खेल्दै ओडीआईमा डेब्यू गरेको थियो । नेपालले दुई खेलको सिरिज खेल्दा १–१ को बराबरीमा सकाएको थियो । नेपाल पहिलो खेलमा ५५ रनले पराजित हुँदा दोस्रोमा १ रनले विजयी भएको थियो । त्यो नेपालको ओडीआईको पहिलो जित हो ।

गत जुनमा आईसीसी एकदिवसीय विश्वकप छनोटमा नेपाल ७ विकेटले पराजित भएको थियो । तीन खेलको नतिजा छोटकरीमा पढ्नुहोस् :

१. नेपाल ५५ रनले पराजित– २०१८ अगष्ट १

नेदरल्यान्ड्स ४७.४ ओभरमा १८९ रनमा अल आउट ।
माइकल रिप्पन ५१, बास डि लिडे ३० र स्कट एडवार्ड्स १८ रन ।
नेपालका पारस खड्का ४ र सोमपाल कामी ३ विकेट ।
नेपाल ४१.५ ओभरमा १३४ रनमा अल आउट ।
ज्ञानेन्द्र मल्ल ५१, अनिल साह २१, दीपेन्द्रसिंह ऐरी ३३ रन ।
फर्द क्लासेन, माइकल रिप्पन र पिटर सिलार ३–३ विकेट ।

२.नेपाल १ रनले विजयी– २०१८ अगष्ट ३

नेपाल ४८.५ ओभरमा २१६ रनमा अल आउट ।
पारस खड्का ५१, सोमपाल कामी ६१ र दीपेन्द्र १९ रन ।
फर्द क्लासेन ३, माइकल रिप्पन र पिटर सिलार २–२ विकेट लिए ।
नेदरल्यान्ड्स ५० ओभरमा २१५ रनमा अल आउट । वेस्ली ब्यारेसी ७१ रन ।
सन्दीप लामिछाने ३, ललित भण्डारी २, सोमपाल, पारस, वसन्त रेग्मी र दीपेन्द्र १–१ विकेट ।

३. नेपाल ७ विकेटले पराजित– २०२३ जुन २४

नेपाल ४४.३ ओभरमा १६७ रनमा अल आउट ।
रोहित पौडेल ३३, सन्दीप र कुशल भुर्तेल २७–२७ रन ।
लोगन भान बिक ४, बास डि लिडे र विक्रमजित सिंह २–२ विकेट ।
नेदरल्यान्ड्स २७.१ ओभरमा १६८–३ ।
म्याक्स ओडउड ९०, विक्रजित सिंह ३० र बास डि लिडे ४१ रन ।
सन्दीप लामिछाने २ र गुलशन झा १ विकेट ।

– यस समाचारको श्रोत : Online Khabar हो ।