कैलालीकाे चुरेमा विस्फाेट, ४ जना घाइते

९ फागुन, धनगढी । कैलालीको चुरेमा विस्फोटक पदार्थ विस्फोट हुँदा चार जना घाइते भएका छन् । उनीहरू मध्ये दुई जनाकाे अवस्था गम्भीर रहेकाे छ ।

बुधबार चुरे गाउँपालिका-३ सहजपुर नजिकै भीमदत्त राजमार्गमा जेसिबीले सडक विस्तार गर्ने क्रममा विस्फोटक पदार्थ विस्फाेट भएको कैलालीका प्रमुख प्रहरी उपरीक्षक (एसपी) पदमबहादुर बिष्टले बताए ।

उनकाअनुसार घाइते हुनेमा जेसिबी चालकसहित चुरे गाउँपालिका-३ बस्ने ४५ वर्षीय वसन्त खडायत, कञ्चनपुरका २२ वर्षीय हिरा थापा र नवीनदेव अवस्थी रहेका छन् ।

उनीहरू तिनै जनाकाे धनगढीकाे माया मेट्राे अस्पतालमा उपचार भइरहेको छ । खडायत र थापाकाे अवस्था गम्भीर रहेकाे छ । उक्त विस्फोटक पदार्थ सशस्त्र द्वन्दका बेला राखिएको हुनसक्ने प्रहरीले अनुमान गरेकाे छ ।

– यस समाचारको श्रोत : Online Khabar हो ।