जनकपुरमा स्कूल बसको ठक्करबाट एक जनाको मृत्यु

२५ माघ, जनकपुरधाम । जनकपुरमा स्कूल बसको ठक्करबाट एक भारतीय नागरिकको मृत्यु भएको छ । मृत्यु हुनेमा भारतको मधुवनी घर भइ हाल जनकपुरधाम उपमहानगरपालिका-२३ बेला बस्दै आएका २७ वर्षीय ममताज कवारी रहेको जिल्ला प्रहरी कार्यालय धनुषाले जनाएको छ ।

बिहीबार बिहान बेलामा बा. २ प ७६० नम्बरको श्रीराम स्कूल बसले साइकलमा सवार उनलाई ठक्कर दिएको थियो । ठक्करपछि गम्भीर घाइते उनलाई प्रादेशिक अस्पताल जनकपुरधाममा उपचारका लागि लगिएकामा चिकित्सकले मृत घोषणा गरे ।

स्कूल बस र चालकलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।

– यस समाचारको श्रोत : Online Khabar हो ।